తడిచిన మొగ్గల్లా

.

తడిచిన పూలు
ఎంత బద్దకిస్తున్నాయో.

విచ్చుకోను 

మొరాయిస్తూ

ముద్దముద్దగా

ఆకుల పొత్తిళ్ళలోకి

ముడుచుకొంటూ

ముద్దుముద్దుగా

అద్దీఅద్దని

పుప్పొడిగా 

ఆరీఆరనీ ఆ వొయ్యారాన్నీ 

చినుకు చినుకుగా 

వణికిపోతూ 

తడితడిగా



 అమ్మకుచ్చిళ్ళ వెచ్చదనాన్ని 

 తడిమిచూస్తూ 

 గారాం పోతూ 

మారాం చేస్తూ

చూడండీ...

తడిచిన మొగ్గల్లా..

ఆకుల పొత్తిళ్ళలో ఒదొగొదిగి..

ఆదమరవగలిగిన ఆ హాయి 

ఎంత ముగ్దమనోహరమో కదా!

***

ఒక పూటకి పనిమానేసి 

నిండారా..

ముసుగుపెట్టేస్తే ..!!!

మెత్తని పక్కలో ఒత్తిగిల్లి

 వెచ్చటి  కలల్లో తేలిపోతే !!!

***

బానే ఉంటుంది.

అందుకేగా,

బంద్ ప్రకటించింది!
***